課程日期:98/10/4(星期日)
講 師:林 文 隆
講座主題:唱響生命熱情-談歌唱表演藝術
上課人數:86人
課程概述
1、藉由環保音樂人林文隆老師豐富的表演知識及經驗講座的進行結合水患治理監督聯盟總召集人、全國自然步道協會理事長林淑英老師與談河川環保經驗解說及北投社區大學合唱團溫淑玲老師的串場主持,經由人文的省思切入環保議題。由林文隆老師有關環境保護的創作歌曲—諸如紅瓦厝、淡水河、酸雨以及膾炙人口的友情等,呈顯對台灣環保問題的關懷與人文省思,由此引導民眾對環保觀念以及守護美麗國土有進一步的實踐關懷。
2、現場民眾反應很好,大家對於環境及音樂都有更深刻的一層認識。很多人希望能進一步了解環保的狀況及林文隆老師的音樂。
酸雨 林文隆 詞曲
天治塊落酸雨 溪一日一日黑
山有人塊亂挖土 白鷺鷥的目屎強欲乾涸
老水牛找無青青的草埔 找無甜甜的草倘好哺
溪底的魚克虧無腳倘行路 吃著廢水可憐瘩尾就翻肚
雞丫早不啼晚也不啼 專門啼彼囉中午甲半哺
氣候也在變常 一熱就熱甲欲四十度
害彼囉狗阿熱甲舌頭吐吐
朋友阿朋友 咱就趕緊來想看有什麼步
甭乎天落酸雨 甭乎溪水日日黑
甭乎白鷺鷥無厝倘好住 甭乎水牛找無青草埔
大家合力大家同心環境甲照顧 乎咱子子孫孫有前途
彼支煙筒 林文隆 詞曲
自從阮庄仔 站彼支煙筒 站彼支會吐烏煙的煙筒
害彼囉天黑茫茫 最克虧就是阮的鼻孔
自從阮庄仔 站彼支煙筒 站彼支會吐烏煙的煙筒
害彼囉花開抹香 最克虧就是做田人
攏是彼支會吐烏煙的煙筒 害阮庄仔已經有人吊大筒
攏是彼支會吐烏煙的煙筒 害阮庄仔彼囉芒果唰抹紅
害彼囉稻仔抹大叢 一冬收起來不如一冬
自從阮庄仔 站彼支煙筒 站彼支會吐烏煙的煙筒
害彼囉樹仔葉啷啷 飛鳥欲睏嘛無塊藏
攏是彼支會吐烏煙的煙筒 害阮庄的少年仔也塊落頭鬃
攏是彼支會吐烏煙的煙筒 害阮庄的彼囉芭樂煞抹著叢
攏是彼支會吐烏煙的煙筒 害阮庄仔已經有人吊大筒
攏是彼支會吐烏煙的煙筒 害阮庄的彼囉芒果唰抹紅
淡水河 林文隆 詞曲
嘿~ 嘿~細漢彼時淡水河
水清清好辶辶 猶有魚猶有蝦 河中有人塊放鵝
熱天時仔偷走課 囝仔伴歸大翱看人釣魚吃饅頭
正當時淡水河 哪會變嘎這癩疙
滿河邊全畚圾 清水變甲濁濁濁
嘿~ 即陣的淡水河 誰人敢偎靠
死豬仔死狗死貓死鴨 浮置在水面四界遨
害彼囉戀愛的伴侶 河仔邊找無半位通轉倒
可憐的淡水河 即陣哪有人塊舉釣竿
即陣哪有人塊唱山歌 總講是咱人毋認寶 廢水攏甲胡亂倒
害彼囉淡水河 遂變甲黑趖趖
嘿~ 這條帳 若乎魚仔來生腳 爬岸起來甲咱討喔
咱絕對乎魚驚死 去見閻羅 絕對乎魚驚死 去見閻羅
黑熊 林文隆 詞曲
彼層 保護咱地球的臭氧層破了破了
南極萬年的冰山 也已經融了融了
合歡山不落雪 冬至也不正冬至
咱的山頂一年壞一年變了變了
咱的溪底一日黑一日壞了壞了
半屏山擱無幾年 會乎挖甲倒翹翹
恆春半島的海魚 也歸陣帶塊走
深山林內剩無幾隻的黑熊 也每日為著無子無孫開聲哮
啊~啊~ 大自然一直攏無欲甲咱計較
咱若甲伊做對頭 有一日有一日
山崩地裂 咱的生命 咱的財產
就乎伊 就乎伊 掃了了
咱的故鄉 林文隆 詞曲
故鄉的彼條溪 毋知猶有魚仔無
故鄉的彼粒山 毋知猶有鳥仔無
故鄉的雲 毋知猶會白白無
故鄉的天 毋知猶會清清無
文明 文明 實在是一場災禍
乎人心黑與濁
繁華 繁華 繁華是險惡風波
乎大自然失調和 啊~
故鄉的泉水 毋知猶會甜甜無
故鄉的彼叢 老樹
彼叢我細漢爬起爬落的榕仔樹
毋知猶擱有無 涼涼的蔭無


沒有留言:
張貼留言